Gutta krutt i eine gamle-silobingen som skal få prøve seg som avlsoksar 2024/2025. Kjekk og lun trio - med von om like trivelege avkom.

Nye tilskot i 2024! Banan er sjefshanen, og med seg har han ein liten assisterande og fire damer. Kanskje ikkje dei mest produktive kreka - men likevel artige!

Reinkarnasjonen av sjølveste Jonas. Tilflyttar fra Bøstranda hausten 2024 og den utvalde til å eige farskapet til vonleg 60-70 nye saurdalingar i åra som kjem.

Født i 2024 - og er den første til å stikke fram haudet når vi kjem for å snakke med dei. Med eit tålmod og eit diskret smil som lett lokkar til seg merksemd.

Fekk namnet sitt etter eit slitsomt møte med eit myrhol. Takka vere seint nattesarbeid, gode naboar og ei gravemaskin fekk ho halde fram ferieopphaldet på fjellet sommaren 2020.

Trivdes godt i tunet, var ikkje framand for å ta med seg årets avkom og stikke innom. Sjølv om det eigentleg var feriemodus langt oppunder Fuglehaude på resten av flokken. Gamal vart ho.

Reinrasa spælsau og den førstefødte i slekta på Brudevoll gard. Kom til Rasmusgarden med stamtavla si i 2016 og fekk seinare mange etterkomarar. Endte sine dagar i eit uhell i beitet. Men levningar kan framleis observerast i tunet.

Sjeldan har ein kastrert okse fått så mykje merksemd og siste kvelden før avreise vore så kjenslelada. Viten om returskinn fekk roa ned situasjonen. Bror til Augusta.

Søye som har vore litt i utakt heile livet. Moglegvis resultatet av dårleg mor, menneskeerstatta omsorg og påfylgjande svakt utvikla saue-eigenskapar. Her frå trillingsfødsel lisjejulaftan 2022. Omgjengeleg sjel som får halde fram med å vere eit avvik frå resten av flokken.

Avlsokse i 2024. Elskar brød.

Tilflyttar frå Lauvtad. Kjekk kar som var kjælen som ein katt med kvinner, tøffa seg litt meir mot menn. Rakk å få minst 80 avkom før han var sendt til slakt. Ein bitter fotnote i foteljinga om Pepper er at slakteppgjeret vart på usle 32 øre. Sånn er altså verda.

Er vel strengt talt to-beinte. Men må likevel nemnast. Månadsskifte mai/juni er alltid litt krevjande med tanke på omsynet av klønete uglekyllingar som brukar tunet som treningsområde.